Kaugnay sa selebrasyon ng Buwan
ng Wika, ang artikulong ito ay buong puso kong isunulat ayon sa napapanahong
problema ng ating bayan, hindi
muna ito sa mga bagay na hindi masyadong napapansin kundi ito muna sa isyung
mas dapat pag tuonan ng pansin ngayon dahil sa matinding epektong naidudulot
nito sa atin.
Itong artikulong ito ay ang aking
kauna-unahang komentaryo na nasa wikang Filipino. Gayon pa man, hindi nawawala
ang mga mensahe at aral na aking maihahatid sa aking mga taga basa. Sana kayo ay masiyahan at
mahinuha sa iyong sarili ang kahalagahan ng ating wika at ng ating bayan,
lalong-lalo na kang inang kalikasan.
Bumalik na po KAMI
Sabi nga ng mga matatanda, “kung
ano ang itinanim, siya rin ang aanihin”. Ang mga katagang ito ay hindi lamang
sumasalamin sa katandaan ng panahon kundi ang kahalagahan ng pangangaral na
siya nga namang nagpatunay sa mga nakalipas na panahon, mapa-personal man o
panlipunan, sibilyan man o politiko, mayaman man o mahirap, ang mga pangaral na
ito ay sadyang hindi namimili ng tao.
Sa mga nagdaang linggo ay
nakaranas ang Pilipinas ng kalat-kalat na pag ulan sa buong bansa, hindi lamang
ito isang ordinaryong ulan na maari tayong maging kampante kundi maaring
maglagay sa ating mga buhay sa alanganin. Naglaon, nalaman ng buong bansa na
ang hanging Habagat ang siyang nagdadala ng malakas na hangin at ulan na siyang
naging mitya ng malakas na alon sa Manila
Bay.
 |
| image from Google |
Kinalaunan, nagulantang ang buong
bansa sa naging itsura ng Roxas
Boulevard at Manila Bay
na siyang natabunan ng lawak ng basura. Nag mistulang isang extension ng Manila Bay
ang basura na siyang tumambad sa mga tao sa Kamaynilaan. Nag balik na nga sila.
Kung ano nga ang itinanim, siya
nga talaga ang aanihin. Huwag sana
nating isisi lahat sa gobyerno ang pangyayaring ito. Bumaha man ay hindi nila
kasalanan sapagkat hindi sila ay salarin sa pangyayarin ito. Tayo pong mga tao.
Tao rin po ako ngunit ako po ay may pangaral sa inyo, “ang responsabling
Pilipino ay malinis na Pilipino”. Malinis man ho tayo sa kalooban at sa panlabas
na anyo, sana
naman ay pati sa kalikasan ay malinis rin tayo. Ang mga basurang gumulantang sa
buong bayan ay nagpapahiwatig lamang na panahon na ng pagbabago at hindi ito
magsisimula sa gobyerno o sa lipunan kundi ito ay nagsisimula sa ating mga
sarili. Bumangon man tayong mga Pilipino sa matinding unos ng kalikasan,
babalik at babalik din tayo sa trahedyang iyan kung ipagpapatuloy parin natin
ang ating kapabayaan.
 | |
| image from Google |
Malupit man kung maningil ang
inang kalikasan, mapipigilan din naman kung tayong mga tao ay magtutulungan.
